البردقوووووووش ......بياض وحلاوة وجسم جميل

اريد ان احكي لكم تجربتي مع البردقوش كانت الدورة غير منتظمة وبتنزل بكميات قليلة سمعت ان البردقوش بينظم الهرمونات جربته كل يوم اشرب 3 اكواب كانت الدورة متاخرة وبعد 5 ايام من شرب البردقوش نزلت وفضلت الدورة منتظمة بعد كده لمدة 3 شهور وكل ما احس ان الدورة اتاخرت اخده يومين تلاتة فتنزل وانا لاحظت حاجة كمان لاحظت اني لو انتظمت ع البردقوش 5 او 7 ايام بتنزل البطن بشكل كبير وفعلا قريت بعد كده ان البردقوش بيخسس وبالذات الكرش وقريت ان الرسول صلي الله عليه وسلم والصحابة كانوا بيشربوا البردقوش زي ما احنا بنشرب الشاي دلوقتي وده سر انهم كانوا ضامري البطون كمان انا قريت ع النت وصفة حلوة للشعر من البردقوش بيقولوا انها بتطول وهي تجيبي 100 جم زيت زيتون وتحطيه ع النار حتي يغلي ثم تضيفي 10 جم بردقوش وتسيبيهم يغلوا مع بعض شوية وعندماا يدفي شويه ضيفي 100 جم زيت خروع ولو حسيتي ان القوام لسه لزج ضيفي شويه زيت زيتون تانيين اما بقي القنبلة اللي انا هافجرها دلوقتي واللي عمرك ما هتكوني سمعتي عنها ع المواقع العربية لاني لسه جايباها لكم طازه من المواقع الاجنبية وهي تعرفوا هيه ايه هيه يا ستي ان البردقوش حلو للبياض لانه بيحتوي علي الاربوتين وهي احد مشتقات الهيدروكينون اللي بيستخدم لتفتيح البشرة وعندما تتناول الاربوتين يتحول داخل الجسم الهيدروكينون الذي يبيض الجسم كله بدون الاثار الجانبية اللي بيسببها لو اتاخد من بره وبالمناسبة اهم الاغذية اللي بتحتوي ع اربوتين هي عنب الدب (وفيه مستحضر اجنبي عبارة عن حبوب معمولة منه للتفتيح وفيه كمان صبغة عنب الدب وده اكتر فعالية من الاقراص كمان وحلاوتها انها ممكن توضع موضعيا ع المكان المراد تفتيحه او تؤخذ كشراب 3 او 4 نقط ع كوب ماء او عصير مرتين يوميا والنتيجة بعد 3 شهور )والتوت البري و التوت الازرق و التوت الاحمر والكمثري يعني باختصار البردقوش كنزبياض و حلاوة وجسم جمسل ويا ريته يبقي المشروب الشعبي عندنا بدل الشاي اللي بيحرق الدم واللي بنستورده ب الملايين ونبقي حتي ماشيين ع السنة والعيب الوحيد في البردقوش انه بيوطي الضغط ولوعايزه تشربيه وضغطك ما يوطاش كلي معاه مخلل وع العموم كفاية تشربي منه 1 او2 كوب يومي وبس ماتكتريش
ايه رايكم بقي في الموضوع ده
بالله عليكم اللي يعجبها الموضوع والمادة المميزه اللي فيه تقيمه